Pertsona ardatz duen arreta-eredua. Koaderno praktikoak. 6. koadernoa. Laguntza behar duten pertsonentzako bizikidetza-unitateak

Bizikidetza-unitateetan mendetasun-egoeran dauden adinekoen talde bat bizi da, eta horiei eguneroko bizitza garatzeko behar dituzten laguntzak ematen zaizkie.

Unitate horietan osasun-zainketen kalitatea bermatzen da, baina beste urrats bat ematen da kalitatezko arretan.

Pertsonaren bizi-kalitate integrala bilatzen da, hainbat alderdi zainduz, hala nola bere duintasuna zaintzea eta bere eskubideak baliatzea, bere lehentasunak, gustuak eta eguneroko bizitzan dituen erritmoak kontuan hartuta, etab. Horretarako, arreta pertsonalizaturako oinarrizko tresnak erabiltzen dira, hala nola bizitzaren historia, eta arreta eta bizitza planean eraginkortasunez parte hartzen duela ziurtatzen da.

Bizikidetza-unitateetan 9-15 pertsona bizi ohi dira, ezaugarri pertsonalak eta laguntza-premia bereiziak dituztenak. Elkarrekin bizi diren pertsonekin batera, zaintzaileek edo laguntzaileek osatzen dute unitatea, txanda bakoitzean 2 edo 3, unitatean ordutegi egonkorra izan ohi dutenak.

Bizikidetza-unitateen egiturak espazio "publikoak" eta pribatuak konbinatzen ditu. Horrela, sukaldea, jangela eta egongela dituen espazio komun batez osatuta egoten dira. Kanpoko eremu txiki bat ere komeni da, terraza edo lorategia, esaterako.

Bizikidetza-unitatea – Fraisoro

Bizikidetza-unitateen bizimodua eta etxeko inguruneena antzekoak dira. Errutinak, ordutegiak edo jarduerak unitateetan bizi diren pertsonek beren etxeetan garatu dituztenen ingurukoak dira.

Jarduerek egoiliarren gustuak eta hautuak islatu behar dituzte, eta guztiek parte hartzea erraztu behar dute, gaitasun kognitiboak eta funtzionalak edozein direla ere.

Bizikidetza-unitateetako pertsonen arteko harremanak funtsezkoak dira Ingurune horietan, egoiliarren eta arreta zuzeneko langileen arteko harremanetarako aukerak askoz ere ohikoagoak dira beste bizitoki batzuetan baino. Horregatik, garrantzitsua da unitateen ardura duten profesionalek denbora eta gaitasunak izatea inplikatutako guztien artean pertsonen arteko harreman egokiak ezartzen dituzten giroen sustapenari dagokionez.

Bizikidetza-unitateen antolaketak baldintza egokiak eskaintzen ditu familien presentziarako eta parte-hartzerako. Horrela, senitartekoek egoiliarrekin eta langileekin unitateko jarduerak antola ditzakete; beste kasu batzuetan antolatzen direnetan parte har dezakete; etxeko lanetan lagundu, paseatu, jolastu, gaurkotasunari buruz hitz egin, etab. Familiek egoiliarren etxean ere egin dezaketena egiteko aukera izatea da helburua.

Azkenik, bizikidetza-unitateek ez dute ingurune itxiak izan behar; kanpoaldeak, bai pertsonek bai inguruneek, unitatearen bizitzaren parte izan behar dute. Baratzeko, lorategiko edo terrazako jarduerek barrualdeko eta kanpoaldeko jarduerak orekatzeko aukera eman diezaiekete egoiliarrei.

Laburbilduz, bizikidetza-unitateen bidez, mendetasun-egoeran dauden pertsonek, behar dituzten osasun-zainketak jasotzeaz gain, beharrezko laguntzak izatea da helburua, "Beren bizitza, ahalik eta gehien, etxean bezalakoa izan dadin".

Egin Klik 6. Koadernoa deskargatzeko (Artxiboa euskeraz zein gazteleraz dago)

Bisitatu aurreko esteka erlazionatuak:
1. Koadernoa: Modelo de atención centrada en la persona. Cuadernos prácticos. Cuaderno 1. La atención centrada en la persona. ¿En qué consiste?.
2. Koadernoa: Modelo de atención centrada en la persona. Cuadernos prácticos. Cuaderno 2. La atención centrada en la persona. ¿Cómo llevarla a la práctica?.
3. Koadernoa Modelo de atención centrada en la persona. Cuadernos prácticos. Cuaderno 3. Cómo y dónde quiero que me cuiden. La atención centrada en la persona, un nuevo modelo de atención.
4. Koadernoa: Modelo de atención centrada en la persona. Cuadernos prácticos. Cuaderno 4 . Profesionales Nuevos roles y Equipos de Atención.
5. Koadernoa: Modelo de atención centrada en la persona. Cuadernos prácticos. Cuaderno 5. El Profesional de Referencia en Centros.