21.12.2023
- “Formula Solidarioa”ren esparruan, CaixaBank eta CaixaBank Payments & Consumer erakundeen ekimen bat, ahulenen zailtasunekiko sentikorrak diren Caixa Fundazioaren eta enpresa edo partikularren laguntza ekonomikoa bideratzeko.
- Matiak kolaborazioa espazio pertsonalizatuagoak, etxe girokoagoak eta irisgarriagoak sortzeko bideratuko du, eta, aldi berean, komunitatean integratzeko eta parte hartzeko jarduerak egingo ditu IZA zentroan, non dibertsitate funtzionala duten 78 pertsona bizi diren.
Donostia, 2023ko abenduak 26 - Caixabankekin eta CaixaBank Payments & Consumerrekin lankidetzan, Fundación Caixak 13.000 euroko ekarpena egin dio MatiaZaleaeri. Matiak espazio pertsonalizatuak, etxe girokoak eta irisgarriak sortuko ditu IZA zentroan, eta komunitatean integratzeko eta parte hartzeko jarduerak egingo ditu, dibertsitate funtzionala duten 78 pertsona bizi diren IZA zentroan.
Ekintza “Formula Solidarioa” izeneko programaren barruan kokatzen da. CaixaBanken ekimen horrek Caixa Fundazioaren funtsak bideratzen ditu, eta enpresen eta partikularren ekarpenei gehitzen dizkie, gizarte-erakundeek behar handiena duten pertsonen eta kolektiboen mesedetan lan egiten jarraitzeko baliabide materialak izan ditzaten.
Gipuzkoan egindako lankidetza Matiako IZA zentroari zuzenduta dago. Pertsonarengan oinarritutako arreta-eredua eboluzionatuz doa, eta, horrekin batera, zentroak bertan bizi diren pertsonen ongizatean laguntzen duten espazio batzuk hobetu behar ditu. 2022an, funtsak izan ziren bide horretatik, eta hobekuntza garrantzitsuak egin dira inguruneetan, baina oraindik ere badira hobetzeko daudenak. Era berean, funtsen zati handi bat jarduera terapeutikoak eta/edo komunitatean integratutakoak egiteko erabiliko da, bertan bizi diren pertsonek parte hartzeko eta entzuteko foroen bidez identifikatuta izan direnak.
Mari Carmen Garmendia patronatuko presidentearen eskutik, Matiako instalazioetan egindako ekitaldian honako hauek izan ziren: CaixaBank Álex Cristóbal, Gipuzkoako Enpresa Zentroko zuzendaria; Jesús María Freire, CaixaBank Payments & Consumer enpresako zonako zuzendaria; eta Jon Tolaretxipi, Easo Motor taldeko zuzendari nagusia.
Alex Cristóbalek adierazi zuenez, “sinergiak batu nahi dituen proiektua da Formula Solidarioa, eta horiek eragin zuzena dute gizarte-erakundeetan. Urte batzuk daramatzagu elkarlanean, eta premia hori zutela jakin genuenean ekin genion lanari, laguntza eman ahal izateko.”
Bestalde, Mari Carmen Garmendiak nabarmendu zuen “horrelako ekarpenak oso garrantzitsuak direla, ekarpen oro beharrezkoa baita gure zentroetan bizi diren pertsonen ongizatea hobetzeko, kasu honetan komunitatean integratzeko jarduerak eta giroak hobetuz. Eta, kasu honetan, eskerrak eman Caixa Fundazioa, CaixaBank eta Grupo Easo Motor-eri, erraztasun guztiak jarri baitizkigute.”
Grupo Easo Motor, bikaintasunera bideratua
Easo Motor Taldea 1979an Gipuzkoan Ford kontzesionario batekin automobilgintzan hasi zen familia-enpresa bat da. Gaur egun bederatzi marka ordezkatzen ditu Gipuzkoan eta Bizkaian: Ford, Hyundai, Mazda, Jaguar, Land Rover, Citroën, Opel, Peugeot eta Mitsubishi.
Helburua da bere eremu geografikoan salmenten emaitza nazional onenak eta bezeroen gogobetetasunaren bikaintasuna lortzea. Horretarako, sektoreaasko ezagutzen duen taldea, anbizioa eta ilusioa du. Horri esker, urteetan aurrera egin du eta hazkunde iraunkorra ahalbidetzen dioten emaitzak lortu ditu. Helburua ahalik eta bezero gehienen mugikortasunari dagozkion behar guztiak asetzea da, eta, horretarako, hazten jarraitzen dute. Etorkizuneko proiektu sendoa dira, beren indarraren iturri diren enplegatuetan oinarritua, haiek osatzen dute bere ospea eta bizitasuna, hazten laguntzen duena. Enpresaren balioak eta nabarmentzeko modukoak direnak, bezeroekiko kezka, zintzotasuna eta bikaintasuna lortzera bideratuta egotea.
Matia, 130 esperientzia urte
Matia irabazi asmorik gabeko fundazio pribatua da interes orokorragatik, 130 urte baino gehiagoko esperientzia duena. Erreferentea da Gipuzkoan adineko pertsonei eta desgaitasunen bat duten pertsonei ematen zaien arretan eta Estatuan eta nazioartean zahartzeari buruz egiten den ikerketan. Pertsonarengan oinarritutako arretaren printzipioak landuz, helburua da zahartze-prozesuan pertsonei laguntzea, haien ongizatea hobetzeko, haien autonomia eta duintasuna sustatzen duten ezagutza eta zerbitzu pertsonalizatuak sortuz. 2002an, ikerketa-institutu bat sortu zen (Matia Institutua), ikerketa/ekintza integratzea eta ebidentzian eta eguneroko praktikan oinarritutako ezagutza sortzea errazten duena.
